أحبتي في منتديات المرقاب الراقيه
السلام عليكم ورحمة الله وبركاته

ريع الثنيّه مكان مرتفع يطل على أودية وشعاب
وسهول كانت لنا فيها ذكرياتً وذكريات
عدّيت فيه فكان هذا النزف

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آه ياخوك ياعـوّاض ياوجـد حالـي=كلما جيت اكف الدمع ياخـوك عيّـا

من علومٍ لها بين الضلـوع اشتعالـي=كاويتني على حـد السراسيـف كيّـا

أجّجت نارها ذكرى السنين الخوالـي=يوم عدّيت في ريـع الثنيّـه عشيّـا

كن قلبي عليه من اللواهيـب صالـي=يوم اناظـر منازلنـا بهـاك السنيّـا

كلما شفت حاجـه ذكّرتنـي بغالـي=كن عيني تناظر فيـه مـازال حيّـا

كم تمنيت لكن الزمـن ماصفـا لـي=كان حلمي قريب وصار بعد الثريّـا

ماتحقّق ولاحاجه من اللي فـي بالـي=أكثر العمر راح ومطلبـي مـا تهيّـا

لوحسبت المسافه كلّهـا مابقـى لـي=غير فرق السنين اللي طوى العمر طيّا [/poem]

ثنتين ماتخضع لتدقيق وحسـاب
لنّ السعودي حطّها في حسابـه

الأوّله دستورنا شـرع وكتـاب
نمشي على نهج النبي والصحابه

والثانيه حب الوطن قبل الاحباب
مكتوب في قلب السعودي كتابـه

لامن خذا يومين في دار الاجناب
ما يهتنـي حتـى يقبّـل ترابـه