بسم الله ,,

تشرفت بقصيده فاخره من اخي الشاعر فايز ابو رجيله

وهي موجوده على الرابط التالي

http://www.montada.mergab.com/showthread.php?t=44374

واستلم يابو نادر



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

ياسامي قرّب الدلّه ياسامي = عسى فنجالها يجلي عسامي
جلبلي بِنّها من يَم صنعا = موَرّدها ابو زيد التهامي
أمين وسلعته غالي ثمنها = وتِكَيّل في حضوري واستلامي
وبعد ماقَنّد الراس بطعمها = ابا اقطف من زهر خضر النوامي
مدام اني من العد متروي = وشموخي ماعرف طعم انهزامي
ورثت من الخوال الطيب كله = ولبست من الفخر سيرة عمامي
ولي فالشعر مايرضي طموحي = وفضائي رحب شاسع ومترامي
ولاتبحلني حروف القصيدة = اوردها مثل ورد الحيامي
ومدام الليلة القمرا وعدها = ابا اسقي الارض من وابل غمامي
وارحِّب ياحروفي واكتبيني = محامي عنك لوماني محامي
احبك والمحبة ماتوصف = مرام ويشبع بوصله مرامي
ولاني مغرم بغيرك متيّم = ولو غيرك تباهى في غرامي
نقشتك نقش والإبداع وهبة = ولاانتي رميةٍ من غير رامي
وبعد وِقْفَت على الباب المطيّة = عصامية وراعيها عصامي
هلا بابداع من بَدْعه يجمّل = وعلى العزة خيامه مع خيامي
رفيقٍ فالمواقف لازهمته = حسامه ماتَخلّف عن حسامي
يجي في لازمي رغم التزامه = واجي في لازمه رغم التزامي
والا ياوافي المدة قريتك = وشفت الجرح فالموضوع دامي
ومدام انك تبا حل القضية = نظاميّة وقاضيها نظامي
اظن انك حكمت وحكم مثلك = ماهو فالشرع باسلوب احتكامي
لأنك خصم والخصم ان تولا = خصيمه جرعه مر السقامي
ولأنّْ القتل والتتويب اصلاً = على اللي لاصلاه ولاصيامي
ولكنا سننظر ثم ننظر = ويأتيكم خبرها بالتمامي
وباذن الله ابا القالك دواها = وتشرق شمسها عقب العتامي
اقوله وانت اخوي اللي ملكني = بفعل الطيب وسلوم الحشامي
ثبيتي ٍ على عز ومعزة = كريم ومن رياجيلٍ كرامي[/poem]

(( محمد بن دخيل القثامي ))
mda9595@hotmail.com