بديت باسم العزيزالخالـق الوالـي
امسيّـر الكـون خالقهـا وواليهـا
سبحانه اللي خلق الوان واشكالـي
رازق جميع البشر يعرف خوافيهـا
ومابين نار الحروف وجمره الصالي
لقيت جملـه مفيـده فـي معانيهـا
حللتها في هجوس القلـب ولحالـي
ودارت رحاها واخذت الجزل صافيها
ناسٍ تعرف السنع والطيب والفالـي
والمرجله والشكاله مـن مباديهـا
وناسٍ تحب القشر لو بالخلا الخالي
فيها شحيح العطا والكـذب لاويهـا
وناسٍ لها في سنام المجد منزالـي
وطبع الكرم والوفا ينبت باراضيهـا
وناسٍ غثاها كثير وزيف واهبالـي
تمشي على ماش ترميها وتخطيهـا
ونفسي عزيزه واعرف المر والحالي
وغيري شرب مرها ماذاق حاليهـا
والكلمه اللي تنومس راس للمالـي
والكلمه الناقصه مانعتـرف فيهـا
وعيشه كريمه تعز النفس تهنالـي
والعيشه اللي تذل النفـس مابيهـا
ماني من اللي يحب القيل والقالـي
ودرب النميمه اجنب عن مماشيهـا
المرجلـه دربنـا وللعـز مدهالـي
احفظ سلوم العرب وابخص هقاويها
وهرجة ردى ماتجي دايم على بالي
اعرف ضررها والاصعب في تواليها
آرد على العد واشرب عذب وازلالي
واختار جزل الهروج اللـي ابديهـا
دنيا عجيبه بحرها يضـرب الجالـي
وسهوم بقعا تطاير مـن شواطيهـا
الله حسيب البشر رب السما العالـي
سبحانه اللي حمانـا مـن بلاويهـا
وصلاة ربي عـدد ماهـل همّالـي
على شفيع البشـر نختـم قوافيهـا



الله الله يالسميري وكفو والله كفو

رائعه من رائع

صح لسانك ايها العذب

تحياتي