اعتذر عن الغياب


مشاركتي الاولى في شاعر العرب






[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
يالله ياللي عليك الصعب ماهو صعب=بحكمتك سارة الدنيا مساراتها
تجريبنا ايامنا في بحرها المضطرب=ولانعلم غيبها ولا تجاهاتها
يالله عطني من آفاق الخيال الرحب=نوادر ٍ تروي الاسماع عذباتها
الفكر بنك القوافي والقوافي ذهب=ترخص لها البورصه باقو عملاتها
سلام يادولة الامجاد أمير وشعب=اللي على الارض فاقت عن نظيراتها
لو ان فكري قلم والبحر حبري نضب=وانا ماوفيت ميزه بين ميزاتها
شيوخها آل الصباح اللي تفك النشب=اسد ٍ تعيش الكويت بظل هيباتها
وشعوبها بالمكارم بحر لكن عذب=غباته عزومها والموج فزعاتها
الها علينا جميل ووقفة ٍ تنحسب=وحنا لنا وقفة ٍ تعرف سجلاتها
ساعت بدى الاحتلال الغاشم المغتصب=وقامت عليها الجيوش تشن غاراتها
ونخا (فهد) (جابر الاحمد) بنخوة غضب=هز بصداها الشعوب وهز ساداتها
وقف فهد واعتزى في ماقفه واختطب=واهل الوكالات حاشدة ٍ وكالاتها
وسرنا بجيش ٍ جموعه حشدها مارتهب=يقلط على المعركه ويطوع اعصاتها
من كثر جمع الفيالق فاتكات الندب=دوب الهوى ينتقل مابين راياتها
منها الجبال الطوال تروح مثل القبب=اليا وطتها يادوب تبين هاماتها
والجو يمطر صواريخه سواة السحب=والبحر مستبسله سفنه بقواتها
كن الصواريخ لاقفت مقتفيها اللهب=شهب ٍ تهاوى عليهم من مجراتها
حتى وقع في فصايل جيشه المكترب=جنايز ٍ ماتذريها عراباتها
كنْها جذوع النخل يذري عليها المهب=عنها السرايا مقفية ٍ باصاباتها
حتى استقر الامن باحضانها واستتب=وعادة على عروشها العظمى قياداتها
هذاه رد الجميل بدمنا المنسكب=في ساحة ٍ ضافة معزي ضيافاتها
وذولا هم آل السعود اهل الصقيل الحدب=اللي بنو دولة ٍ تفرض سياساتها
دار النبي والحرمين ومقر العرب=الها الخلايق توجه في صلاواتها
يقولها شاعر ٍ يسبح بحور الادب=يصارع امواجها ويغوص غباتها
يدر ان شمس العرب مهما ضياها نحجب=تبقى بالآفاق مضوية ٍ مداراتها
الدين عين المكارم والمكارم هدب=وحنا امة ٍ تعمر الكون بدعاواتها
فان كان الانفس تميز بالنقى والنسب=حنا ترانا ملوك الارض وولاتها[/poem]

وســـــــــــــــــــــــــلامــــــــــــــــــــ ــتكم