المشاركة الأصلية كتبت بواسطة مشاري الشليمي
[align=center].
.
.
تمر طيوف , في بال الحزين الهايم الذبلان ..
و يرسمها على أطراف الورق , و يكسّر أقلامه ..
يضج الشوق في قلبه , و يتأسف على النكران ..
و يهتك غربة الليل الطويل بـ خطوة أقدامه ..
يسولف عن بقايا رحلته للي ورا الجدران ..
ولا يدري وش اللي خبته دنياه لأيامه ..
رحل , زاده حنينه و الورق و الحبر و الأوزان ..
و تغريبة عمر ضاعت مواريها بأحلامه ..
رحل , يطرد سراب ٍ لا هو بـ راوي ولا ظميان ..
تشتت بين رغبات الشعور و بين أوهامه ..
تعدّيه السنين , و ينتظر شادي على الأغصان ..
تناجيه الليالي مغرمه , و العمر ما سامه ..
كتب , حتى غدا من شعره إحساس الشعر نشوان ..
نزف , حتى تملّك رغبة الحرمان و أيتامه ..
تعدّا رغبة اللي عاش عمره غربة الأوطان ..
يراوده الحنين اللي تمثنى عالم إلهامه ..
ذبل بين إنكساره للرجوع , و رغبة الشجعان ..
يتمتم للحزن عقب الفرح , و العمر دوّامه ..
رضا يبقى على طول السنين القاسيه , إنسان ..
رفض يحني جبينه للزمن , لو الزمن ضامه ..
بقى إسمه على رمل الدروب , الهايم الذبلان ..
يسولف غربة الليل الضرير لـ خطوة أقدامه ..
[/align]
[align=center]يا سلاااام
المبدع مشاري الشليمي
صح لسااانك على هالإبداع
تحياتي لك[/align]