|
هلا هلا باللي لها قدر ومكان
اخواني واخواتي اعضا وزوار
السلام عليكم ورحمة الله
تقبلوا هالمتواضعه عساها تعجبكم
والسموووووحه
[poem=font="Simplified Arabic,4,black,normal,normal" bkcolor="white" bkimage="" border="ridge,4,gray" type=2 line=0 align=center use=ex num="0,black"]
هلا هلا باللي لها قدر ومكان=في وسط قلبٍ حافظٍ تقديرها
جتني وطرت من الفرح والبال زان=فرحت فرحه ماانوصف تصويرها
حتى اني الكلمه على راس اللسان=لاجيت بانطقها غدى تعبيرها
قالت بضيق الله عليك المستعان=غلطتك قدّم لي عذر تبريرها
دّنقت وانا من وسيعين البطان=لكن هرجه ماعرفت اديرها
انا اعرف التقصير حاصل من زمان=واعرف تقصيري سبب تقصيرها
كم مرةٍ جتني تدوّر للحنان=ورديتها مالي طمع في غيرها
لكن نزوات الشباب بلا اتزان=قامت تراقصلي وتنقر زيرها
اعد عشري عشر وتعوّد ثمان=واداهن الدنيا ولا ادهن سيرها
اكبّر الدعوى ليا شفت الطمان=ويحاول الشيطان في تصغيرها
قمت اسرد اعذاري ولو ماهي سمان=وافسّر اشياً ماتبا تفسيرها
وطال الوقوف الصعب وسط الامتحان=غلطة عمر ناوي على تكفيرها
قالت دخيلك صدق كان انك حصان=غلطتك هاذي مانبا تكريرها
قلت ابشري والله مااوريك الهوان=ودعيت ياربي تكثّر خيرها
اللي كستني بالحنان وبالامان=من زينها ماعاد ابا تغييرها
نشت على طاعه وعز وطيب شان=والله يساعدني على توقيرها[/poem]
ملاحظاتي سببت لي صلف=فالوارده صلفان والشارده
افتح لها بالشعر عندي ملف=والصدق عدٍ يرتوي وارده
وان ورثوها من سلف لاخلف=تعيش والافكار متوارده
ماهوب لازم لاعزمت تحلف=قسها معي بالميل واليارده
كم معسرٍ ياخذ ثمنها سلف=لو ماحلف عزيمته وارده
وكم مغتني عنها يدور ويلف=ولياعزم عزيمته بارده
|