دارين

مشاركة خلف الكريع بجولة الأردن .. اقرأوا و تمتعوا

[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الفقر عرش الحزن والجوع تاجـه= والليل عرشي والقصايـد رعايـاي
يـا كثر مـا تقصـر ثيابـي لحـاجـه =ويـا كثـر ما تثري الحياري عطايـاي
وجـذع النخـل محـدٍ يعيـب اعوجاجـه=وانـا بعـد مـا عـابنـي ضـيق مخبـاي
والصبـح لا فض الظـلاااام انبلاجـه -=يفتـح شبابـيـك الأمـل فـي زوايــاي
واتعـلـّــم مْـن الـريـح مـعنـى المـواجــه=واستلهم مْـن نـْــقـاط ضعفـي / مزايـاي
واطوي دروب الخوف طهر وسماجه=واكسـّــر رمـاحـك بصـدري يـا ذكـراي
والحزن ينبـت فـي عروقـي خراجـه=يجثـم على صدري ... ويكسي محيـّـاي
والهم يعـلـن في عـيـوني رواجـه=والآآآآه تـحـرق كـل غصـن بحنايــاي
والضيـق لـو طـوّل علـي انفراجـه=لا زلت اشيل احلامي لـ/عمـري الجـاي
لعيون صالـح / ودْلَعَـهْ / واختلاجـه=وخـدوده اللي طهرهـا فـي شفايـاي
لا قال ( بابا وهو يأشـر لحاجـه =أمــــانه اشترهـا لي ) تضييييـق دنيـاي
ولا قال .. والحسـره تكـدّر مزاجـه = (كم عيد مر ،، ولا فرحت بهداياي ؟!!)
وارخي تعب رمشٍ لظـى الهـم هاجـه=وتسولف العبره بجفنـي - تقـل نـاي
كِـنـّـه بفضفض للجفون انزعاجـه=يسرد تفـاصـيـلي ،، ويعـزف حكـايـاي
لـبـيـــه ياللـي ذاب فـمّـه مُجـاجـه=لا من نفخ فـي كاستـي يْبـرّد الشـاي
في لثغتـه سكّـر / ودبـس / ولزاجـه=لا تمتم لسانه - وهـو يسكـب نـداي
علـّمنـي ان الحـزن : طيـش وسذاجـه=لا ناااام باحضانـي .. وصحّـى بقايـاي
وعلـّمني ابـكـي بس لـ/اجل ابتهاجـه=وعلـّمني اضحك بس لا صـار ويـااي
وعلـّمته ان قِصرتْ ثيابي - لحـاجه=كيف اثري عيون الحيارى بْعطايـاي [/poem]