دارين

مطلق الحريجي

اتمنى لكم قراءة ممتعة


[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

زمن ياقدرة الله والحدث ينتج عن الاسباب= وانا والله مــؤمن بالإله ومــحكم كتابه
أعزي خاطري وأسرح ولكن خاطري ما طاب= يصاحبني هجوسٍ كل ما ادله دكت ركابه
غضب صوت الحناجر والضماير والقمر ماغاب=غفت عنه المسامع والظلام يسامر حجابه
سبح رمش العيون اللي توصّف للحراب حراب=جرع ريق الدموع وقطرةٍ من ريق عنابه
ذبل ورد القصيد وشرهة الطيب على الاصحاب=ماغير العرق ينبض والسحاب مطول غيابه
تسامره الصبا وخيول فكره بين ناب وناب=يلوح في كفوفه للحمام ويرسل احبابه
تغيب الشمس عن ورد الربيع المشرق الجذاب = يناديه النهار وتنحي لليل واهدابه
انا كلمة وفا بين الشفايف والحروف هضاب=يسولفها الزمان لدمعة ايامه ويرضابه
وانا الباس الصبور اللي صرخ من صبره الحطاب= على جور السنين المظلمه والبرد والغابه
وانا قلب الخلوج اللي ترد الورد للمعزاب= حنين يطعن البسمه عن الضحكه ويبكابه
تثور بداخلي عبرة كريم في عيون أغراب= تكسر به زمانه والشموخ مثبت اطنابه
حَلَم حِلم الغريب اللي سرى في غفوة الاهداب= يعاتبه الوطن عقب البطا ويقبل ترابه
يضمه بالخفوق اللي ترك من عقبه الاحباب= ضحك له كل عرقٍ يعتزيبه ويتعزوابه
صحى بين القيود وحبسة الآفكار والابواب= على مرسى الضياع وراس ماله حلم يبقابه
مقادير الحياه ابلغ من جروح وجفا واعتاب= روايات السنين الغابره تنزف ومرتابه
احسب اني ملكت ولاملكت الا حبر وكتاب= اتمتم كل ماجيت اقلب الصفحات واقرابه
دريت ان القضا ماهو بسيف وشلفةً لذياب= عزاي ان الصحيب يضيّع الهقوات بأصحابه[/poem]