دارين

مشاركة عبدالله الخالدي كما سمعتها [poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياغصن الكلام ان كان هب الهبوب ولنت = تساقط ندى الاوراق من فوق عاتقها
حروف الكلام اللي على جمعها هيمنت = وهجها الصراحه والمجامل خنادقها
تلافى مثل سرب القطا كل ما هيجنت = واجمع لها قسوة زماني وافرقها
كآبة حياه وكبت وان قلت وان دونت = تموت العشيقة ما تهنت بعاشقها
يا وجه الفرح غايب لك اعوام ما بينت = مواري رجوعك ما بعد لاح بارقها
انا كم رجيت ينوض برقك وكم راهنت = على اسمك بنيت احلام و ازريت احققها
نزحت لغياهب مهجة البعد واستوطنت = وانا كنت فيك احلام عمري معلقها
تبي تعرف اللي عقب غيبتك وش كونت = عنا يمطر الضيقه بروحي ويغرقها
اقبل جبين الصبر واقول له لا هنت = على وقفةٍ مأساة عمري توثقها
ملامح جبيني ترقب طيوف ليت و كنت = ماغير اتّجود بالهقاوي وتطلقها
ترا لو ضحكت اضحك واجامل وانا ما زنت = انا ضحكتي من وجه الافراح سارقها
ياوجه العنا مدري من ايت عرب ويش انت = ملامحك عيت تتضح لي حقايقها
تلون بلون اسود من ايلول ما لونت = دروب الأمل لون الاماني مفارقها
عطاياك واجد بس انا منك وش عينت = جمايل كفوفك في جنوبي مطارقها
ومفازيعك اللي قلت توفي بها واعلنت = انا والله اني بالثلاثه مطلقها [/poem]


*

*



القصيدة المختارة للأمير محمد الأحمد السديري

[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حياتي كلها صبر و جلاده = وغيري عايش عيشة سعادة
أنا اللي غارق بالغي مغرم=غريق في هوى راعي القلاده
بعيد عنه بديار بعيده=ولحدٍ جاب لي منه الافاده
يجيبنه حلوم الليل عندي=وحط الخد للغالي وساده
والى مني صحيت وقمت أراعي=ولين الليل يفجعني سواده
تصور لي عزيز مانسيته=حبيب ماسلى قلبي وداده
عذولي لاتلمني بالموده=جريح هايم في حب غاده
تهل الدمع عيني من عناها=وسفك الدمع للعشاق عاده
نشدت أهل الموده وأرشدوني=يقولون الهوى صعب جهاده
اقوله مصخر من روح روحي=حياتي كلها صبر وجلاده[/poem]


مجاراة عبدالله الخالدي لقصيدة السديري


[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حياتي كلها صبر و جلاده = فقد قلبي بها ثالث عياده
حبيبٍ قلبي ارخص له عروشه = عطاه الود و اعطاه السياده
على يطري مع نود النسايم = اليا ذعذع من الغربي براده
زرعت الوصل له داخل خفوقي = سقيته شوق واترقب حصاده
نبت حلم الوصال وطال واثمر = صواديف تنبي في بعاده
فقدته .. ايه والله من فقدته = فقد شعري مع غيابه قناده
دخيلك يا حمام الدوح نوحك = لطم جرح المفارق لين زاده
دخيل الله من حظ عثرني = وقف دونه بعدته و عتاده
وغدت حالي مثل حال السديري = حياتي كلها صبر وجلاده[/poem]