|
( عدل التناسب )
نايف
نايف
نايف
مع وافر الحب والتقدير :
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا سيدي نايف وأنا بين أياديك = مانيب للإرهاب والخوف حاسب
يقوله الأمن ، وتقوله مساعيك = وكلٍ يقوله يا عريب المناسب
يانايفٍ تعجز خصومك تجاريك = يامشغل أعلام السير والنواسب
ياللي لو أبمدحك مانيب موفيك = ولا رجا شعري بمدحك مكاسب
كل المدايح وإن تغنَّت بأساميك = مع ما وصلت أشوفها ما تناسب
واللي يبا يظلم ظميره ويهجيك = ماهوب لاقي في قراحك رواسب
الكاسب اللي وين ما حل مرظيك = ولا عديم رظاك ماهوب كاسب
فكرك ( سما ) واسمك يزلزل معاديك = وفعلك هو الراجح بيوم التحاسب
حضارتك ما صدَّتك عن مباديك = يا فخر عصر العولمة والحواسب
وبداوتك ماهي بدواة صعاليك = يا مخضرم الأفعال ! صقر الكواسب
وإن لاح بارق جودك وهلَّت ايديك = ما أقول غير الله يعين المُحاسب
نجحت فـ الطيب ونجاحك يباريك = وإلا الردى نتيجتك فيه : راسب
أهني المنصب بشخصك ، وأهنيك = يا مجسدٍ مفهوم ( عدل التناسب )
كلٍ يقول بيوم فرحة توليِّك : = ( رجلٍ مناسب في المكان المناسب )
[/poem]
وسلامتكم
|