[align=center]السلام عليكم.. بويتات لتواصل لعلها تحوز رضاكم.[/align]



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

لاشفت خلانك تخلت وخلتك= بالله دور غيرهم كان يمديك
وان كان مايمديك اكلها بلحيتك=لاصار ربعك دون والموت قافيك
هذا الكلام وغير هذي سلامتك=لاتفشي اسرارك على من يعاديك
وقتك هذاه اللي يدور مضرتك=الاقربون اللي بها الله موصيك
ولا اقول ربعك كلهم مير شوفتك=فالمجتمع شوفة عيونك تكفيك
هذا مرض معدي وعقلك وصحتك=انحش بها عن كل عدّوى لاتعديك
اخذ الحذر واصحى تفارق جماعتك=يمكن ليا جاتك من الغير تشفيك
اختر نظيفين الضماير رفاقتك=واصحى خبيثين الضماير تخاويك
العيش بالذل اختراق ٍ لهيبتك=الموت عز ولاحياة الصعاليك
واهم منها في حياتك كرامتك=ترا الحياه ابلا كرامه تهاليك
الطيب والاخلاق تعطيك قيمتك=السلم اللي للعلالي يوديك[/poem]