,,

انت ما تدري عسى عمرك طويــل .. !!
........................... .. إن حبك للـ خفوق إوداعته ..!!

وان هجرك يجعل الخافق عليل ..
........................... .. وإن اقسى من جفاك .. اشاعته ..

و إن لا هب الجفا صوبي .. اميل ..
........................... .. وارتعد .. والدمع عيني زاعته ..

ما قويت انسى خيالك .. يا الخليل ..
........................... .. والغذا شوفك .. وعيني جاعته..

انت ساسك مثل هامات النخيـل ..
........................... .. من نوى .. حط القدر شماعته ..

وانت خشمك مثل ما سيف ٍ صقيل ..
.......................... .. بـإيد من يحمي حما جماعته ..

والحجاج هلال للـ شهر الفضيل ..
........................... .. صاموا العالم بعد إذاعته ..

وانت رمشينك مسافات وصهيـل ..
.......................... .. والكسل بـ الجفن .. من لكاعته ..

وانت خدينك كما قدحة فتيل ..
.......................... .. من يدين اللي قدح ولاعته ..

والشعر غوج ٍ اليا غز الشليل ..
......................... .. تعزف رجوله نغم ايقاعته ..

مبسمك مثل الكرز .. يا ليل ليل ..
......................... .. الله اللي ابدع بـ زراعته ..

وانت هرجك لا طلع منك ثقيل ..
......................... .. تنطرب لجله اذن سمـّـاعته ..

والدلع عندك .. مثل شيك البخيـل ..
......................... .. بس همه تمــْشــِيــَت بضاعته ..

ما ذبحني فوق زينك يا جميـل ..
........................ .. غير هيبة جدك .. وشجاعته ..

وانت تدري ان لك صاحب أصيل ..
....................... .. ما يبيعك لو ظروفه باعته ..

بس وصلك يا حبيبي مستـحيـل ..
....................... .. في عيون اللي عيونك راعته ..

دونك الرماي وسيوف ٍ وخيـل ..
...................... .. والشرف والعرض .. ماني ناعته ..

اكرم المحتاج وابناء السبيل ..
...................... .. وساعد اللي طاح بـ اقصى قاعته ..

شوف حالي من بعد هجرك نحيـل ..
..................... .. والمعالج من لقاك .. إطماعته ..

الهجر ما راح يجمع لك حصيـل ..
.................... .. الهجر طالبك ارفض طاعته ..

الخفوق اللي من الفرقا يسيل ..
................... .. وش تفيدك صدتك .. لا لاعته ..

دامها صارت كذا .. يا اقسى خليل ..
.................. .. طالبك .. قلبي ما احب اضاعته ..

في امان الله يا الطرف الكحيـل ..
.................. .. والله لا يبارك جفاك وساعته ..