قصيده جديده

سلامي سلم اسلام بالطيب مدهون....اقولها يوم الرحى مستديره

دام الوفا وياك بالطيب مقرون...الاوله تتبع طريق الاخيره

هاض الفكر واليوم وافي ومضمون...واغوص انا واسبح بحور(ن) غزيره

امشي مع القيفان ممشن على الهون...ماضاق صدري والمعاني عسيره

اجر قافي والقوافي يجرون...مثل الخطام اللي يسوق بعيره

يامكثر اللي للقوافي يصفون...تصفيف قافه شبه خربن كسيره

يابو سعد والناس عني يعرفون..رجال ماجاه الردى في ضميره

بعض العرب مابين صاحي ومجنون...حنا ندور للوجيه الستيره

الناس بالامثال دايم يقولون...الرجل ما يقدر يحدد مصيره

من يخلط التفاح منجا وليمون...عقب هذاك اللي شرب من عصيره

ومن عاشر العقرب وطبعه ترا يخون..يلدغ ولا يدري ومنهو خشيره

ياذيب انا وياك والناس يدرون..صعب العشير يخون صحبة عشيره

هلا القنص مع طلعة النور يمشون...كل(ن) يعرف الدرب كلن خبيره

ماني صحيب اهل النمايم يحشون ..اللي تجر الصوت في كل ديره

وماني من اللي مع هلا الليل يسرون..امشي على وضح النقا والسفيره

العاقل اللي يسمع الهرج مضمون...ياخذ قليل الهرج يترك كثيره

انا بنيت القاف في بيت مركون....مثل الجمل لاهاج يسمع هديره

وصلاة ربي عد ماكان مكنون....على نبي الحق نور الجزيره

sha3r11@hotmail.com

شاعر الملحمه السومريه

( 1000 بيت )