النيره

*

*

يا حاكم الدوله اللي صار في الدوله
عز الله أنّا ما نرضى عنه .. عز الله

لكنّ نبغا سمـوّك ينهـي الجولـه
قبل المرض لا يزيد وتكبـر العلّـه

حريـة الـراي والتعبيـر مكفولـه
واللـي كفلهـا لازال يظلّهـا ظلّـه

مير البلا قام كـل ٍ يقـرع طبولـه
واللي بلا طبل يلقـى مـن يطبلّـه

أهل الفتن من قديم الوقت مقيولـه
لا بدّ يطلع لها بيـن العـرب شلّـه

وحنا قبايل بدو ماهيـب مجهولـه
وافين نحشم ولـيّ الأمـر ونجلّـه

تاريخنا ثابت و واقف علـى طولـه
فينا الولاء والمحبّه طبـع وجبلّـه

الكل منّا شهد لـه ماضـي فعولـه
ماهي سوالف على البـرّاد والدلّـه

وبطانتك يا طويل العمـر مشعولـه
شبّت وصبّت علينـا شرّهـا كلّـه

للحقد مدلوله .. وللغبـن مدلولـه
يرمي علينا التهايم مخلـف الملّـه

الشور ما ينوخذ من روس مهبوله
وأهل المحابل تصيـد اللـي تحبلّـه

يا اللي وصلتوا سموّ الشيخ قولو له
لا يمنع العفو عن خالد وضيف الله !

صح لسانك ملاااااااااااايين
صح لسانك ملاااااااااااايين

لمبدعنآ \\ سـدّآح