راح نصف الليـل .. واسـدل جناحـه
استمتعـي بالريـح يـا هبـة الـريـح
كـل الـدروب اللـي تجيبـك .. متاحـه
وانا علـى استقبالـك .. اقـوم واطيـح
مرّي علـى صـدري .. بيـوم افتتاحـه
واسترسلي .. واخذي من القلب .. تصريح
الله يجمّلـنـي بـقــول الـصـراحـه
والله يعدّيـنـي عـيـون المشـافـيـح
انـا الغريـب اللـي .. ذخيـرة سلاحـه
ماهيب في نطـل الغتـر .. والمسابيـح
العـز .. نبراسـه ومنـهـج كفـاحـه
والصدق يلجم به .. شـدوق التماسيـح
حطيت في جـرد الصحاصيـح .. واحـه
وابتلشت الواحـه .. بجـرد الصحاصيـح
مدري على عيوني .. تضيـق المساحـه
والا الزمن غامض .. ويحتـاج توضيـح
تعبت ادوّر من ورى الصمـت .. راحـه
واثره عذاب .. اهـل القلـوب المجاريـح
ما كل مـن ينجـح .. يواصـل نجاحـه
مصير كل اللـي تمزهـل بـه .. يبيـح
ولو ان في وجه الشجاعـه .. سماحـه
ما مات شالح .. والعطـاوي شليويـح!
يا شيخ الله يعديك عيون المشافيح ويحفظك رب الفلق من شرّ ما خلق
اقسم بالله دره ثمينه يا بوفيصل
استهلال غير طبيعي وإسترسال بديع
وسبك وحبك شاعر كبير بحق
هذا والله الشعر اللي عليه العلم
صح لسانك مدد بلا عدد ،،
..
|