من الأرشيف :-



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

البارحه .. ليل الشتاء .. طال يا سعود=ما ينسرا .. وانا لـ / حالي سريته ..!

سريت .. ماادري ليه ..! من دون مقصود=ياليت لي مقصود .. وأقول : ليته

وأقول : ادور لي على شيء مفقود=غالي ..! ومن مده بـ / صدري قنيته

وأحس .. بـ / الشرهه .. ليا صرت منشود=لا قالوا العربان : بشر ..! لقيته ..!

وانا لقيت .. حجاج الايام معقود=وضيق الصدر .. بين لو اني كنيته ..!

ومن قال : وين الناس ؟؟ لو قلت : موجود=يطيح سوراً لـ / المجامل بينته

من شافني .. لو ابني اسوار و سدود=كأنه يقول : اللي بعينك قريته

العام .. زاد الوصل .. واعشوشب العود=واليوم .. صار اللي معه ما هقيته

يا اللي زرعت الورد ..ما عاد به فود=وشلون يحيى ؟؟ وانت لا ما سقيته

شبيت ناراً تجذب وفود و وفود=وانا بــ / رجلي .. كل جمرك وطيته

سلم على فرقاك .. لا هبت النود=وقله : ترى بين العرب ذاع صيته[/poem]