[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقاف مالك عن الجزلات والطيب =كفك بكفي وانا ماني بمتحير
عليك مني وفاء في بعد وقريب =وانته حسب هقوتي منته بمتغير
رفقة شرف ماتجي يومين وتغيب =والا منادم ثلاث أيام وتخير
ياكيف تعصاني القيفان وأتهيب =وانته تواصل حسوس البال وتسير
يشيب ريش الغراب ومعك ماشيب = هجس يفل الحجاج بوجهه النير
وان ضاق بالي دعيته وانهمر صيب=واكبر هموم الضماير يرجع صغير
وياراكب اللي من التصميم ماعيب=طاوي مسافات.. صنع ملعن الخير
اليا استلمته وطرق القاف ل..حبيب = طير عماسٍ ثمان أيام ماطير
جيب ليا خابو الرديان ماخيب = لو صنعتة من حديد اوفى من الغير
اخذ معه سجة في روض وهضيب =أطرد بها الهم يوم أدوج وأسير
في مرتع الشول بتلى الوسم متطيب = القابها ونستي وبن ادم مسير
عن مجلس مايعز الرجل متغيب = لي عن صدة حشيم وخيرة مخير
المجلس اللي جمع هماز ومعيب = فلان ثوبه قصير ودقنه قصير
ابعد بها عن مجال اللاش والخيب = وأعتاض عن شوفته في رجم وحوير [/poem]