بسم الله الرحمن الرحيم

ان شاء الله تعجبكم

شيلـــة هنــــا

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ارسل عليك ولا ترد المراسيل = خليتني ما بين شكة وريبه
أتعبت حيلي لين ما عاد أبي حيل = ترا الهوى بالطيب ما هو غصيبه
صدّقت في صاحبك هرج العواذيل = عوايد العذال ما هي غريبه
انفوسهم واقلوبهم كنها الليل = الحقد لاقيله ديارٍ خصيبه
ياكثر ما عند العواذل مواويل = أحيان تخدعنا النفوس الكئيبه
اللي يحبون العنى والبهاذيل = والتفرقة بين الحبيب وحبيبه
واللي تبعهم ما يحصل محاصيل = يبعـد ولا يلقى دروبٍ تجيبه
يبطي ودمعه يمسحه بالمناديل = ويلوم نفسه ليه هذا نصيبه
أخترت أكون أنسان ما يبخس الكيل = يوفي ودورات الزمان تغديبه
يعني هذا جزاي يوم أعدل الميل = تزعل بدل ما صاحبك تقتديبه
خليتني قدامك من العراقيل = الصدق والمعروف عندك مصيبه
وآخر زمانك رحت راعي محابيل = ما ني بخابر فيك نمّه وغيبه
مسموح لو جازيتني بالغرابيل = لو كان نفسي منك تبطي صويبه
قلبٍ هواك وذاق من كفك الويل = دورت ما حصلت به غير طيبه[/poem]