اهداء لهذا الرجل الكبير
خُلُق وتعامل وموقف ..
.
[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
يدوم العز ويدوم الرخا وبدوم الاستقرار=والامن يعم داري كلّها وسنين بعد سنين
يرفرف بيرق الدوله بلا ثوّار واستعمار=على حكم الصباح وشعبنا الوافي وشرع الدين
بلدنا حارسينه بالولا والمال والأعمار=عسى الله دون حدّه ماينجّينا مع الناجين
نموت ودمّنا يعطّر ثراه وينبتون صغار=على نفس المحبّه والهدف والتضحيه رابين
وطنّا صار لك كم عام عايش بين نار ونار=وطنّا صار لك كم عام ماتسلا مع السالين
تدوّر للرضا لكنّ تلقى شجب واستنكار=والى منّك شجبت استنكروا ماتشجب الراضين
وصلنا مرحله صار التمسّك بالفضيله عار=والاطراف اللي تدعي بعودة الاعراف رجعيّين
مفاهيم وقيم قامت تقلّب واليمين يسار=وحنّا من عمانا في عمانا واليسار يمين
بعضنا يدير رايه ثقل عقله والبعض يندار=تحزّب .. رايه بيد الحِزِب أعضا ومسؤولين
ملا الجوّ السياسي والحماسي والمآسي غبار= وصرنا مانعرف المعضلات منين ولاّ منين
وطنّا اليوم يومك ياوطنّا مالنا أعذار=تجمّعنا نقول انّا معك في العسر قبل اللين
وطنّا مادخلنا المعترك عبّادة الدينار=ولا والله نفرّط في شموخك لجل عين وعين
تشاورنا وقدّمنا من أجلك حرّ من الأحرار=يمثّلنا ويوصل صوتنا وعند اللزوم يبين
أجندتْه الكويت لحالها مايتبع لـ تيّار=قناعاته تجاه اعمارها ماتنقسم نصّين
عيونه وحده تضم الشّعَب وحده تضم الدار=وقلبه ينبص بْهم وبْغلاهم كلهم الاثنين
ماهو جاحد معاريف الرجال وماهو ب غدّار=أبو نيّه يتيمه صافيه ماهو ب بوثنتين
جنابه طيّب وضحكة حجاجه يشهد الْها جار=وابن عم ورفيق وكل قاصي الخلق والدانين
مجرّب في الشدايد والشدايد تكشف البوّار=ولا ينكر جهودٍ قد بذلها الوافي .. الوافين
مواصلنا لو انّه ما وصل .. بارك وعزّى وزار=( دليهي ) واسمه يضد الردّى ويذكّر الناسين
تحزّم في قبيله كل متحدّي لها ينهار=من اللي يقدر لقحطان ولاّ للهواجر مين
عساهم لي ذخر روس الفخر وصغار ولاّ كبار=الروس اليابسه لا جا لهم ذكر تخضع وتلين
بنا تاريخها مابينها وبين الهوان جدار=ومن دون الخيانه والخنا والذل سور الصين
عطت حق وخذت حق ولها في كل دار آثار=حوافر خيلها ورماحها والسيف أبوحدّين
الظالم شوكةٍ داخل لهاته والضّعيف مجار=فدا عمره يسوقون العمار الغاليه تأمين
ياربعي والليالي المقبله تحتاج لـ استنفار=وعلى كل الجروح اللي تشق الصف متسامين
نكون بقلب واحد وب جسد واحد ذرى وستار=على اللي كلبونا أمس زكّيناه مجتمعين
نسير بدرب من كانت حميّاهم لها معيار=يعيّرها اللحم والدّم ويحدّد مداها الدين
هذا ناتج ما كنّه وسط صدري وآخر المشوار=عسى الله مايفرّق شملنا قولوا معي آمين[/poem]