ياكاسب الطيب يا " تراحيب "
جبت العذاريب لـعتيبه
والنعم ياللي كسبت الطيب
فعلك " عتيبه " تماريبه
ياللي خويك بعد ما صيب
حققت كامل مطاليبه
ونال الشهاده من التدريب
وشارك بخدمة معازيبه
تستاهل المدح والترحيب
يا كاملٍ في مواجيبه
أحدٍ لربعه يجيب العيب
وأحدٍ كسب نعم ويجيبه
ومن لا كسب نعم قبل الشيب
يمكن يفوته وهو شيبه
واللي مايقدر فعول الطيب
تكرم وتكفيه والخيبه
.
.
.
.
كفو والله يستاهل ابو ناصر
وانت ماقصرت يابو وليد
الف صح لسانك
والف تحيه
|