حسين عزام

بدع ومجاراه ..



نايف بن عناد .. يقول ..


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
من يبا الضيقه تسرّه خاب ابوه وخاب جده=لا يجي و يْداحم الابطال كانه ما يداني
لاتظن الملعبه لو ولّعت تمحى الموده=لا تصدّق كل بيتٍ للفلاني فالفلاني
صاحبي هو صاحبي لو وقّف و وقّفت ضده=مابها شكّه لو اهجوه وطبيعي لو هجاني
المصيبه دام راع السد بيّح لي بسده=ما عرف سلْم البيوت ولا عرف مبدا المعاني
كان تبغى الشعر مدّ عْنان تفكيرك و شده=واعسف حصانك قبل لا اسرج على شانك حصاني
لاتوهّقك المعاني فالبحر جزره و مده=ادرس الاسلوب من شعر الزلامي والسناني
و انتبه من فخ راع الفخ لو يعجبك رده= والله ان اكثر مرض بعض النفوس مْن الاذاني[/poem]


مجاراه لقصيدة نايف ..


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
من هجوسٍ مايجيب من القصايد غير رده=يومه استرسل وشال البيت في بضعت ثواني
شدني بدعه وهاض القلب .. والمعنا يعده=وانبلج نور النهار اللي يفرح كل عاني
نايف عناد العتيبي .. محزمي وقت الاشده=من قصيده كل شيٍ .. زان في بدع السماني
قلتها من قلب صادق والغلا سر الموده=صاحبي لو غاب عني صبحته طول الزماني
وانت ياللي في ضميرك شيٍ لكن منت قده=استرح واخذ النصيحه وانشد اللي فالمكاني
قلت لك ياصاحبي والصبر معروفٍ بمده=لا تطاولها وهي مسروجه بسرج وعناني
الحياه تفيد والاوجاع للمخلوق نده=والمعاني لك ذخير والبنادق لك لساني
قالها نايف وانا من بدع نايف جيت ارده=(ادرس الاسلوب من لعب الزلامي والسناني)[/poem]


،
،
،