منتديات المرقاب الأدبية - عرض مشاركة واحدة - آحٍّـِِّـِِّلآمً*•~-.¸¸,.-~* مًنْ *•~-.¸¸,.-~*رٌٍمًـِِّـِِّآدًٍ !

11-05-2009, 01:16 AM

من القديم بين أوراق مبعثره

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا طالب البعد ما للبعد حج وصيام = حتيش لوّ المناسك تقضي اركانها
من غبت عني وعيني ساهره ماتنام = والروح ثارت وثار الشوق بركانها
للحين قدرك بقلبي غير كل الأنام = للحين طفلة حشايه تدمع أعيانها
ما تفرق الشرع يومنه حلال وحرام = تاهت ديانتك وسط الناس واديانها
ان كاني اخطيت دوك العذر دون الكلام = عيني تبرّر لك الغلطه وعنوانها
وان كان جرحي طموحك دوك قلبٍ حطام = جارت عليه الليال وضاع برهانها
ياغلى من الوجد يا وجدٍ تعدى الهيام = جوارحي تستغيثك ضاق ميدانها
من غيبتك صارت الدنيا بعيني ظلام = امشي واصفّق درايشها وبيبانها
كني يتيمه بدون اهل وخوال وعمام = متبنّيتني ليالْ الهم واحزانها
انا انتخي فيك يا فزعة شجيعٍ يضام = شب الحميّه وفسر كُم ذرعانها
ماعاد للصد داعي ياكريم المقام = العمر يمضي وروحي تاهت اوطانها
اما تجي ترحم احساس الهوى والغرام = والا بفزّع ( ....... ) وكل جيرانها[/poem]