عبداللطيف الغامدي

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حلم النظر طول العمـر ماغـادر اذهـان الكفيـف=وانا الكفيف اللـي تحاصـر ذهنـه أحـلام النظـر

نصف العمر عشته ضرير أعمى على جنب الرصيف=والنصف الاخر صرت أ عيشه في رجى حلم العمـر

اذكر قطيع الريـم وانشـد عنـك يـا وادي ثقيـف=وانت اختفيت من الخريطـة كـن مـا باقـي اثـر

من ينصف اوراق الشجر من بعثرة فصل الخريـف=ويكبـل يديـن الخريـف ويجمـع اوراق الشـجـر

يا شجرة الصفصـاف.. أوراقـك تساقطهـا مخيـف=طاح الورق واستوحشت قمريـة الغصـن الخضـر

استوحشـت قمريـة الـوادي وغنـت يـا لطيـف=وانا وقفـت اسمـع لحنهـا واستمـع لـه واعتبـر

اثر الطيور تحس با الوحشـه بعـد فرقـا الوليـف=واثر الحنيـن يهـز قلـب الطيـر وقلـوب البشـر

يـا سيـدة كـل البنـات ودرة الجنـس اللطـيـف=يـا دانـة مـا جابهـا بحـار مـن سابـع بحـر

اما اقبليني ضيف دائـم واكرمـي مثـواي ضيـف=والا افتحـي بـاب الصـدود وقفلـي بـاب العـذر

احسني اضعف قوي واحـس بـك اقـوى ضعيـف=والريح خلف النافـذة تعـوي وانـا تحـت المطـر

كيف انتظر والانتظار امضى من السيـف الرهيـف=والعمر يمضـي والثوانـي جمـر والساعـة دهـر

لقيت مفتاح الفـرج فـي قبضـة الصبـر العنيـف=لكـن ويـن القـى ولـو دورت مفتـاح الصبـر؟

الصبر اقلـه حـد خنجـر قاطعـه واقـواه سيـف=اشـده المـوت البطـي واقلـه الـمـوت الحـمـر

الوذ به لـوذة طريـد القـوم فـي وجـه الحليـف=ويردنـي بيـن الرجـا واليـاس لقيـود الاســر

جيته وانا خوفي على صدري من طعـون العطيـف=واقفيت من عنده وبي عشريـن طعنـه فـا الظهـر

والظلـم للعاشـق قهـر والعـدل للمظلـوم ريـف=من جرب الحجاج صاح وقـال وينـك يـا عمـر؟[/poem]

نصّ وشاعر يغردان خارج السرب دائمأً

للداهيه حمد العصيمي