جديدة .. أتمنى لها القبول ..


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هلا يا ضحكة ما أتى من سنيني=يا منسّيتني أمس .. بوجودك اليوم!
يستقبلك قلبي بنبضه .. وعيني=بدموعها ، وآنا لك آطيح وآقوم!
وان قصّر الترحيب فيك .. اعذريني=لأنك عطا جيتي .. وانا كنت محروم!
مانيب متعوّد تصافح يديني=قبل اعرفك .. غير الغرابيل واللوم!!
والحين صبّي ضحكتك في كنيني=قبلك احسب ان العطش أمر محتوم!
واجفي قرايب خافقك .. واوصليني=مقطوع من غصن المواصل .. ومعدوم ..
من دعوة الله يحفظك يا ظنيني=ومن الصباح المرّ دونك ، متى تقوم؟!
واخذي بتلابيب الحزن .. واسعفيني=ظهري من حمول المقادير مقصوم!
والى سعة فرحة حياتك .. خذيني=ودّي بـ نفس .. صدري من الضيق مكتوم!
واستاذني من موطنك .. واسكنيني=ولا يرعبك لو شفتي البيت مهدوم!
قبلك عثوا في مهجتي .. ساكنيني=وعلى يدك بنيان ما هدّوا القوم!
نامي على قلبي وقومي فـ / عيني=ما احلى من القومة سوى لذة النوم!
وما اتعس من الدنيا قبل تعشقيني=ولا احلى من الدنيا بعد عشقك اليوم!
تطمّني وانتي يدينك فـ / ايديني=مانيب متضايق .. ولانيب محروووم!
[/poem]

أستغفر الله الذي لا إله إلا هو الحي القيّوم وأتوب إليه ..

Ask me