[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مها..تكفيـن مافينـي يكفّـي=أنا مْنْ العام دمعـي مايجفّـي
كفايه لاتثيرين العواطف=يكفي مابقلـب أختـك يكفـي
أراعي خاطرك وامسح دموعك=واضمّك وابلع العَبْرَه وأخفّـي
تقولين الدرااسـه مـا نبيهـا=أبويه غاية امـرادي وشفّـي
وأنا مثلـك مناة الروح شوفه=ولكـن القـدر عيّـا يوفّـي
إلى من حان لي وقت الزياره=يفز القلب والحاجب يرفّي
وهو يفرح وأنا افرح لالفيته=ومن كثر الغلا دايم بْصفّي
أنا عزّي وعزّك في حياته=عذابي كان نور البيت طفّي
ولكن دام ياعيوني حزينه=تعالي وافتحي صفحة ملفّي
تعالي واقـْـرَيْ أشعاري وشوفي=قصيدٍ أكتبه من يوم أقفّي
أنا من يوم أقفي مـن دْيـاره=ودْموعي فوق خدي ماتكفـي
يحق ألنا البكاء لامن بكينا=مكانٍ غير حضنه مايدفّي
عقب هامة شموخه والزعامه=طريح افراش واسْواة امتوفّي
تحت رحمة كريمٍ نلتجي به=ونعم(ن) به عن العالم يكفّي
يطهّر ماعليه مْنْ الخطايا=ويرحم دمعةٍ عيّت تجفّي[/poem]