يا صديق المسنجر قبل تبدا الحـوار
إنتبه للصداقـه وأعـرف حدودهـا
لا تخاطبني إلاّ بسمـي المستعـار
حتى لوّ والديني تعرف جدودهـا !
الفضولي ما أحبّه والعقول الصغـار
لو تزيد بعددهـا ناقـص ٍ زودهـا
حرّ والله خلقني من سلالـة حـرار
والعباده ما تعبـد غيـر معبودهـا
لي مزاج ٍ طليق ولا خضع للحصار
ما بعـد قيّدتـه الخلـق بقيودهـا
كان عندك سوالف هاتها بإختصـار
قودها بالكـلام المحتـرم قودهـا
دردش وفرفش وخلّك بنفس المسار
وأن تعديت حدّك جـاك مردودهـا
شاشة النتّ فاضت بالعلوم الكبـار
لين غثّت قلوب النـاس وكبودهـا
أوّل الهرج بارد .. وآخر الهرج حار
والقصيـده بقاصدهـا ومقصودهـا
كمّ مجنون وقّع بالمسنجـر وطـار
وكل حذفه على ما قيل بشهودهـا
جاتك وهزّ راسك وأضربه بالجـدار
وأنتبه للصداقه وأعرف حدودهـا !
الله الله الله
توقيع غير
لـ مبدعنآ \\ سـدّآح