نفسي على منتدى المرقـاب نزاعـه
تجبرني أسوق قلبي له وأعـدّي بـه
غلاه يفرض عليّ السمـع والطاعـه
والله يا لولاه الأنترنـت مالـي بـه
لا متابع أسهم .. ولا مستورد بضاعه
ولا أبيع ف الحاسب الآلي ولا أشريبه
ولا لي علاقات شات وناس خداعـه
ومواقع ٍ عامره بالشـكّ والريبـه !
الورع جالس على الشاشه برضاعه
والعود ما عاد يدري وش يهذري بـه
وأنا علشان مـن تعجبنـي أطباعـه
مرقاب دوت كم .. مالي عنه تجنيبـه
إليا تمشيّت بربوعـه ربـع ساعـه
أرويت ذوقي بعد صفيـت مشاريبـه
أتوق للمبدع اللـي ينشـر إبداعـه
وأسجّل إعجابي الصادق وأماري بـه
قال المثل والفتى شكره على ذراعـه
الطيّب اللي يحوز الطيـب يـا طيبـه
يالطيف يالطيف ياسداح
|