[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ضلعنا الشاهق علومك شواهيـق=عـزّ الله أنّـك تستحـق المديحـه
أطول من أبانات وأعرض من طويق=ماهوب ضلع ٍ من يهـوزه يزيحـه
لك ميزة ٍ من عنـد رب المخاليـق=تضحك على المعصير لا هبّ ريحـه
وأن ناطحـوك محرّفيـن المواثيـق=وش حيلـة المترديّـه والنطيـحـه
راسك طويل وفي حيـوده ملابيـق=شال الطيور الجارحه والجريحـه !
والخلق من نوعين .. مؤمن وزنديق=ولا تصـحّ إلاّ العلـوم الصحيـحـه
علم ٍ يجي تلفيق .. ويروح تلفيـق=يرجع على راعيه مثـل الفضيحـه
يا كبرها يا أهل الوجيـه المطاليـق=ويا صغرها يا أهل الوجيه القبيحـه
ما عندنـا بيـن المناعيـر تفريـق=الصـفّ واحـد والنوايـا صريحـه
ولا نحـطّ لمـا نقولـه معالـيـق=ونرفع شريحه .. ونتجاهل شريحـه
ما ودّنـا نفتـح قفـول الصناديـق=إلاّ بعـد مـا سـال دمّ الذبيـحـه
الرجل حسب المعرفـه والتوافيـق=أمّا يحـوز النّعـم وإلاّ القميحـه !
يا اللي تشوف النار من غير تعليـق=شبّت في ثوب اللي يشيـل القديحـه
خلّـه لعلّـه يطعـم العلـم ويفيـق=لو ما أعتبرها من دوافـع نصيحـه
يضرب براسه فأقرب جدار ويضيـق=وأن ضاق صدره ما تضيق الفسيحه [/poem]
للدكتور / سداح
|