مطر العضياني

[poet font="Arial,5,indigo,bold,normal" bkcolor="skyblue" bkimage="" border="ridge,10,coral" type=0 line=200% align=center use=ex length=0 char="" num="0,black" filter=" shadow(color=royalblue,direction=135)"]
يالله يا منشي صدوق المخاييل

=يا كاشف البراق بطن الغمامه

يا مسقي الارض اليباس الهماليل

=يا مجري الماء سيل صعب انقسامه

يا فاتق الاصباح بعد اسود الليل

=يا عاقل الطرقي لدرب السلامه

اعقل علي ام الرموش المضاليل

=الجادل اللي روحت من تهامه

تبا الكويت ومنزلن بالفحيحيل

=منزال ابوها يوم فايت عوامه

اللي هواها متلف الحال والحيل

=معاد جسمي ينقلنه عظامه

جفني يجيب الدمع مثل ازرق النيل

وقلبي تصافق في عروقه هيامه

مغير اهيجن بالخلا وازهم سهيل

=في شعب عود الراك مزعل بشامه


ازهم على روحي واجر المواويل

=ازعجني الموال وازعج حمامه


ماكني الا اللي مظلل بتظليل

=ظلا يعرف العلم وامسى علامه

لاطب ينفعني ولا فاد تحليل

=والناس تبني بالملامه ملامــه

وانا ليا زادوبي القال والقيل

=ما اطرف اذني للعذول وكلامه

يهبون فيما يجلبون العواذيل

=في سلمي العاذل يضيع احترامه

ربعي سليّم ومن رجالٍ حلاحيل

=ولاشك ماني في زماني هلامه

ولاشك ما بالحب قولت تساهيل

=ولا بالهوى احدٍ يحقق مرامه

قلته وانا نظرات عيني مقابيل

=من وقت قلبي فيه كثر ازدحامه

على الذي يسكن حدود الفحيحيل

=ربعن يسمون الدريشه بـ ( جامه )




وسلامتكم

اخوكم / مناحي

[/poet]


000000000000

مناحي صح لسانك


وتقبل تحياتي