..
[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصيت مايفرض الا طيّب الذات = والطيب ماهوب فرض لذايع الصيت
والموت ماهوب مقرون ٍ بالاموات= كم ميْت حي ٍ .. وحي ٍ يعتبر ميت
والصدق لو ماتبلور في العلاقات =ماتستحق بصراحه غير ديليت
والعذر مثل الدواء في كل الاوقات = يزيدك العذر ماينقصك لا اخطيت
والحب وحدة قياس الاتجاهات = مايخضع لحاجز .. وحاله .. وتوقيت
ان ماجرى في العروق .. وفي الكريّات = مثله مثل مايكون الحشو في البيت
والجرح ماله مواجع .. واعتبارات = الا ليا مد في راحة من اغليت
والصبر يملا على الروح المساحات = ومن شأنه يسكر افواه الشماميت
والفرض مايكمل الا بالتحيات = اذا هداك الله لنفسك وصليت
وسبع الاراضي مثل سبع السماوات = يكفيك فيها التأمل لو تعاليت
[/poem]
|