انظم على العقد الفريد من الفريد
مايلفت الانظار ويزيح الظلام
لاذعذع الغربي على خضر الجريد
يبا يلوح البرق ويهل الغمام
توارد الافكار يانبع القصيد
تارد على عد الروى ورد الحيام
تصنيفها من ماركة خالد سعيد
وعلامة الجوده وبصمه بالبهام
اصبها صب المصانع للحديد
وسنها سن الاسنه والحسام
اما نسندها على خالد حميد
ولا بلاش من المزاحم والزحام
لياخذينا مارضينا بالزهيد
وليا نصينا مانصينا الا الكرام
وليا بغيت الصدق والعلم الاكيد
مال الجسام الا الرياجيل الجسام
لذا ومن هالمنطلق يابو يزيد
سلام تسليمٍ مرصع باحترام
يساق سوق العود الازرق يوم عيد
في بيت شيخٍ رافعه قدر ومقام
لانك من اللي لاحتما اليوم الشديد
يثنون بالبارود من دون الجهام
وعن الكثير ابختصر واخذ المفيد
وقفتك فالموضوع ياخالد حزام
من يبذل المجهود والرأي الرشيد
مايلحقه منا مشارية وملام
ماقف يسد اللازم ورايٍ سديد
والعذر مايقنع مشاريه الحشام
واختامها ياكافل ارزاق العبيد
يارب غفرانك وعفوك فالختام