السلام عليكم ورحمة الله وبركاتة
احبة الشعر ... اسعد الله اوقاتكم
مشاركة جديدة اتمنى ان ترتقي لكم
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا ياشف بالي وياشف القصيد=تو ماجاء للمشاعر وللشعر ثمره
القصيد بطهر حسنك على طهره يزيد=وانت مسكه كل ماشح بانفاس زهره
شاعرك له يمكن سنين ماعنده جديد=غير ضيقة خاطره من زمانه وقهره
من فعول ايامه السود والوقت الشديد=شيبت عينه وقلبه قبل شيب شعره
ويوم جتبك فرصة العمر والحظ السعيد=جاءك معطي ضيقته والمشاريه ظهره
خذ بيمنى الخاطر اللي قضى كسره وحيد=دام يلمح في عيونك حياةٍ تجبره
اخذت الايام كله ولا باقي رصيد =في حياته غير شعره وجرحه وسهره
لاغفت عين المساء قامت هجوسه تعيد=حلم قلبٍ ريح الايام راحت بأكثره
لاشتكي شمس المواجع وفكر فالشديد =فاس حزنه ماتركله على البيد شجره
ساق عمره للسعه والامل برد وجليد =والطموح اللي بقىله يادوبه يستره
غاب عقب احتار فدروب همه والاكيد =كل دربٍ يحضن خطاه يجفاه آخره
ويوم صوتك قرب اللي على صمته بعيد =ولاح له برقك وعزى سنينه فدهره
جيت عيد وهو اله كم سنه محتاج عيد =وجاك معطي كل مافات من حزن ظهره
[/poem]