[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياداعي الشعر مال الشعر فراعي=سداح بحره عميق ويتعب العومه
لآفاضو المبدعين بقل الاسناعي=لاحدٍيجيب البراطم صدق مشرومه
تشكيلةٍ عامره سمعه وسماعي=وحلوم بالليل والشرهه على النومه
الحمد والشكر لله هب ذعذاعي=مع شاعرٍ يبني الشاري على سومه
لو ترقص الموهبه بانصاف وارباعي=بالتابعيه معه ملكه ومضمومه
عزالله ان الزمن صنعه وصناعي=وبعض العرب صام وافطر له على ثومه
لاطال عمر الضعيف الباكي الناعي= ايديه بكره تجيب الخبز مسمومه
اغلب انجوم الورق واشدوق الآفاعي=واغلب نجوم السماء بالليل مظلومه
ياقاضي العدل ذا صيفي ومرباعي= والناقد الصح مبطي غير اسلومه
انا ماقلت الرعيه ملك بياعي=الا بعد شفت عين الصدق ملطومه
عسى مزاجيتي ما تكثُر انواعي=وواوضح اللي تجي سهله وملغومه
تون يوم الفضاء نازل ونجاعي=واللي سواتك لو انه ونَ مالومه
ابا اتقاسم معك مرساي وشراعي= واقول لك ذي لحمة ذراع مبرومه
لاتشرح اوضاعك ولاتنثر الصاعي=خطه قديمه ومعروفه ومفهومه

[/poem]