السلام عليكم ورحمة الله وبركاته
مساجله من الارشيف لتواصل مع الشعبي .. بيني وبين الشاعر / علي بن جبرين
عسى ان تنال شي من استحسانكم
اقول
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقفت بين البياض وبين حد السواد=حسبي على الي على الموقف حداني. حدي !
اكيل بين الردى والجود والحمل زاد !=مبغى الردى ينفتح بابه ولاني ردي
لكن قم يانديبي وخذ علمٍ وكاد=وركب على اللي مواطيره كفو للبدي
من قوها ترهي بمسراه لو ما يقاد=ومن سرعته صايره ضلعان الارض اصمدي
يفز فزت وحش اليا رقا مع سناد=وليا نحدر طلقتٍ من رميت ابواردي
تزيد سرعه وهو يزيد معها ركاد=من نشوتك داخله عدك تقوم اتعدي
جلد اكفره لاهتنت عين الخبل با الرقاد=سحابتٍ تالي الوسمي تهل بردي
ومن الفخامه مصمم لك علـى مـايــــراد=خـويـن اتـشـدبـه ظـهـرك مـع الجرهدي
جـيـبٍ عـلـى الـجـرح مـن سـود اليالي ضمــاد=يـنـسـيـك هـم الـمـعـيـشـه والمعاش الــردي
مـن الـخـبـر تـلـه وعـلـى الـلـه الاعـتـمـــــــــاد=ولانـي مـوصـيـك امـانـه بـعــدي يـابـعـــدي
ولـيـا وصـلـت الـريـاض اخـذ يـمـيـن وتـحــاد=ثـم نـحـره لـلـقصـيـم ويـاجـنـون اركــــــــدي
وقـدام تـجـي الـقـصـيـم اتـمـهـل وبـركــــــــاد=خـفـف عـلـى سـرعـتـه لـون عـزمـه مـــــدي
وخـــذ طـريـق الـعـمـار وسـرحـه فـالـبـــــراد=ثـم نـحـره بـيـت شـيـخٍ بـالــوفـا شـيـــــــــدي
تـلـقـى دلالـه لـهـن فـي جـال نـاره قــنــــــــاد=بـيـّن مــاوالـلـه يـتـرك لـك مـجـال اتـغــــدي
عـلـي بن جـبـريـن شيـخـن يـوم قـدح الـزنــاد=تـاريـخـهـم حـافـل ومـقـامـهـم يـسـعــــــــدي
ثــم قـلـه انـي لـي اسـبـوعـيـن انـا فـي جهـــاد=ولا ذقـت حـلـو الـمـنـام الـزين فـي مـرقــدي
من يزرع الورد وش يجني في وقت الحصاد=ومـن يـعـرف اسـهـيـل مـاهو غاوين فالجدي
والـله ماهـد طـيري غير وقت الـهــــــــــداد=وانا مع اصحابي الغالين ضاع اجـهــــــــدي
ســامـحـت ومـع الـسـمــاح يــزودون العنــاد=والـلـه مـاقـول غـيـر الـصـدق يـالاجـــــودي
غــــارو وفـــــادو مـن الـلـي مـنه مايستفـــاد=وزادو خـطـاهـم بـعـد سـامـحـت فـ اول بـدي !
سيــارتــي وقـفــت بـعـد سـرو بـالــعـتـــــــاد=والـباب قـفـل عـلـي وهـم نـجـو مـن يـــــدي
كــلٍ رمـاهــا عـلـى الـثـانـي وراحـت سهــاد=وانا وخذت الضحى الضاحي بوسط ابلــدي
ثـم جـيـتـك ابـغـاك تـهـديـهـم طـريـق الرشاد=لـوّن مـن لا هـداه الـلـه . مـاهـو مـهــتـــــــدي !
قــــدام والـلـه لـخـلـيـهـا سـهــادٍ رمـــــــــــاد=وان قـمـت والـلـه لـيـبـس كـل غـصـنـن نــدي
وبـعـد شـرحـتـلـك مـاسـووه عـلـمـن وكـــاد=لاعـاد تـشـره عـلـيـه لـو ذبـحـت الـفــــــــدي ![/poem]

فــــ كان رده
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارح الشوق خلا للهجوس أجتلاد= اللي ليا دقن وحضرن يحضر أسعـــدي
عوبن لا قامت تداحم في حنايا الفؤاد= تقول في وسط صدري معركه وطردي
والشعر خيل من المنشأ خياله وقاد=مير أبرقي يابروق ويارعود أرعدي
جت تستبق ندّره على غزال الشداد= كلن تبي قبل الأخرى تقلط وتبتدي
يومن عيسى عبيد بشرح شكواه أجاد=عن لا زمه ماني مجنب ولا محتدي
مالي عذر لو أباخذ عنه وضع أنحياد=من بعد ماحل ميقافي وحل أوعدي
لكن قم واتكل على الولي يابجاد=اللي لوجه عباده ركع وسجدي
وأسر مع الليل لا نامت عيون العباد=ود الخبر للخبر ياحزامي ومسندي
أنهج على آخر مديل من الجيوب الجداد=اللي عليه القلوب من الوله تندي
شاص يشد انتباه الناس في كل ماد=توه على المملكه من دولته وردي
جيبٍ على ماتبي فـــ . زفلت ولا جلاد=مال لفخامة أوصوفه في المواتر لدي
منهاجه يقرب أبلادٍ ويبعد أبلاد=من سرعه الأرض تحته تقل كبر المدي
أبيك تنصابه أبن عبيد طلق الأياد=حرن يروم العلى من طيبه ويصعدي
وده أكتابي وبذل أقصى مدى الإجتهاد=إن كانه بقولي وشوري يبي يقتدي
ثم قل لو السالفه تحمل صباح وهجاد=مرتحت في نومي ولا رتحت في مقعدي !
يمديني أسرجت لنداك وأرضاك الجياد=وجيتك بخيل وصقيل وجندن مجندي
لكن دعواك سهله يابن صاعب تفاد=وأدمح خطأ صاحبن ماهو بمتعمدي
مابيك تزعل على شعبان وإلا جماد !=وأنته تعرف إنهم سيفك على المعتدي
أسمحلهم وأعتبر ماصار كبوة جواد=خل العداء من قهرها تطبخ وتقعدي
وإن جاء خطأ من حداهم بعد هذي وعاد=اللي يبي يعيدها واليله الإيسدي !
هذا هو الراي كان الحيل ياشعيل باد=أخذه وعن غيره مع الناس لاتنشدي
التفرقه يوم ماجا في الصفوف أتحاد=راحت سببها العراق الحر وأبو عدي
يوم ألبسوها نهار العيد ثوب الحداد=وأطيور عدوانها في جوها تغردي
وأختام قولي بعد جا للهجوس أجتلاد=وحضرت من الشوق في صدري وحضر أسعدي
أقول قبل الختام وقبل يوم العياد=لعل عيدك سعيد وجعل عمرك مدي[/poem]

وسلامتكم
....