[ALIGN=CENTER]سلااام عليكم

لاتشرهون على هالقصيده ..


تراها نتيجة هذيااان عطيته وجه وماصدق .. قلت خذ راحتك يابعدي..

ومارس انواع الحريه .. عبّر على كيفك التعبير اللي في مزاجك .. وصدق هو وجهه

هذا كان قبل نصف ساعه وكان بعد غفوه وحلم تسبب في هالهذيان


شوفوا وش كتب الله يرجه

[/ALIGN]

[poet font="Arial,6,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
انا هواجيسي بنظم القصيده = وعيت تطاوعني على الاستشاره
شاعر وهمه يقتنص له فريده= لادك هاجوسه عطا مع مساره
يسري معه طرقه بعيده.. بعيده=تطول.. تقصر.. مانوى الاستخاره
حتى ينوخ قافيتها العنيده=ختمه عليها مثل ختم الاماره
(تشفير) تحسبني زبون الزهيده=بنت الرجال اهل الكرم والنعاره
خلي علاقاتك مع اسمك وطيده= ولا تحسبين اخوك راعي عياره
من خلقتي مانيب راعي مكيده=شاعر على وضح النقا شب ناره
احيان في قافي مراره شديده= هذا الصحيح ولا جحدت المراره
مادام يكتبني على مايريده=مالي تصرف في اكتمال العباره
اسّجم لياحكت حديده حديده=ويكتب على لساني مدير الاداره
شيطان شعري يختزني رصيده=يدفع هواجيسي وانا بانتظاره
تقول كن القافيه من عبيده= وهو عليها شيخ يفرض وقاره
تزاحم بحلقي حروف النشيده=يلفن علي افواج تاره..وتاره
حتى تولع في الحنايا وقيده =وتشنّ في صدري ثمانين غاره
تضرس على اقصر ضلع خطرٍ تبيده=لولاه يعطيها برمز الاشاره
وتقول ازيد؟ ان كان تبغى تزيده=يقول كافي,, بس هاتي قراره
وارفق قراري مع قرار القصيده= ولاعاد يرجا من وراي استشاره
يا ايها الشاعر رهين القصيده= ضقت بك ذرعاً وبالإستشاره
[/poet]

ضقت بك ذرعاً

ماهوب عاقل لبيد بن طقطوق الاسكندنافي بكسر الخاء وتمحيط الراء بالغنه لين ....... العافيه


( تشفير) <--- ترى فيه كلمه كانت وشفرتها بس طلعت على الوزن