بسم الله
قصيده وارجو ان تنال ولو الشي القليل من رضاكم
والارتقا الى ذائقتكم الغاليه والراقيه
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دارت دواليب فكر مناد الليل= كم نادم الليل من جفوة مقيله
كانت عيوبه تخيل الجدي وسهيل= لين أسترتها ستر عوره مخيله
والجدي وسهيل وإلا النجم أبو ذيل= ما عاد صارت بالساري دليله
وقت اختلاف الموازين أسرج الخيل= تغيرت كلها بهون وسيله
كانت عيون المديح تحط وتشيل= واليوم ما عاد للمداح حيله
يا فزعتي ما بقي في مدحها حيل= شامت عن العاقل اللي تستويله
العاقل اللي يسوق البن والهيل= ويشيل حمله وحملٍ يرتكي له
العام حلحيل من روس الحلاحيل= واليوم حال السنافي ينرثيله
ما عاد إله في صروح المجد تبجيل= اومابه الوقت من رأس الطويله
لو يشرب الطيب شربه للفناجيل= حدر به السيل مع بطن ألمسيله
وقتٍ تغير على العقال بالحيل= جاء في مناصيبها ناسٍ دخيله
هذا زمان المهانة والدعاااابيل= تكونت من قبايلنا قبيله
تأخذ من أهل الثناء هيلٍ بلا كيل= واللي يجاري ثناها عزتي له
ما تآصل أدنى دناياها المشاكيل= طارت بها الريح يامال العقيله
اليوم للطيب والطالة مكاييل= ماهي مكاييل عز ألا فشيله
أما ورثله من الشايب مداخيل= ما جات من كسب يمناه البخيله
وإلا فلاش المجامل والتهاويل= إينصّبه منصب أصحاب الفظيله
وإلا أملس الخد ورموشه مظاليل= ما ينقصه غير حموره وشيله
والحظ كم شال جيل وكم طرح جيل= ومن قام حظه تعلى فوق جيله
والكاااااااااااارثه والمطمه يا رياجيل= ناس منول مواقفها ثقيله
اليوم في الشبك طاحت بالمحابيل= كلن مع الناكسه يومي شليله
لأكن يالله يارب التساهيل= ما عاد بين الشجر شجره ظليله
أبي اقتنع بالمصير ولا اقبل الميل= الميل ما تقبله نفسٍ نبيله
إليال عجلات وليالٍ مقابيل= ما فيه في الوقت حاجه مستحيله
تساقطو من بطن قلبي رياجيل= ثم إسقطت من بطن عقلي قبيله
تساقطو من بطن قلبي رياجيل= ثم إسقطت من بطن عقلي قبيله[/poem]