[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضايقٍ صدري ولاادري ويش اسوي = بعد ماضاقت علي نجد العذية
والمطية حبلها صار امتلوي = خايفٍ الحبل يفتك بالمطية
ماصفى جوي عشان اقول جوي= زان واعزومي على الطرقة قوية
اجمع الاحلام واكثر واشوي = تجتمع فالصبح واتروح العشية
احسبن توي واثر ماهوب توي = لين شفت الشيب والكبر وخوية
مقبلٍ ضعفي عقب ماراح قوي = القوي الي خلق كل البرية
مايرجع مامضا لوي ولوي=غلطتي ماهيب غلطه مطبعيه
اعشق الخوة لكن والله ماخوي= خوةٍ ماتعتبر ماهيب ليه
خوتي ماهيب باسرح واضوي = واتوهق مثل رعيان الرعية
احتمي واعرف صديقي من عدوي = واعرف الي لي واعرف الي عليه
من صفالي جاه من برقي ونوي = كل خير ويستحق ازكى تحية
من تعرض لي يبي ياتيه سوي = والله انا اورده حوض المنية
بالشجاعه والظفر شبيت ضوي = ثم شربت اول عيال الشاذلية
[/poem]

للتواصل /عبدالله العاطفي
al-gentel-2008@hotmail.com