عبدالرزاق الذيابي

.
.



ياهيَه يامَن لبست الزين درّاعَه
زينٍ تسولف به الوسطى على جِدّه

مغرور! مدري تزمّ الكِبْر بـ انواعه!
وتسأل..ونيّتْك مصفَرَّه ومسوَدَّه

مغليك..باللْه علامك تكثِر اوجاعه
و اِتفاجئه في سؤالٍ ضامره قَدّه

قَدّة ثويب النما بيدين مزّاعَه
يتيم..والنفس صبح العيد! منسَدَّه

ياخي تلَطَّف وشَنِّف لهفة اسماعه
بـ إسلوب ناعم..لأنه واصلٍ حَدِّه

وبدل ماتسأل عن المرقاب واوظاعه!
إسألنيْ اوّل عَن اوظاعي بـ هالمدّه


لكن على كل حال..ابدي لك الطاعه
واللي سألته!..لعينك بايحٍ سَدّه

مرقابنا! نجمةٍ في الكون لمّاعه
صرحٍ مشيَّد؛رفيع..ومُعجزه هَدِّه

ودايم علومه تداويْ الراس وإصداعِه
واعطيك منها الجدايد..والخبر رِدِّه

.
.

رَبِّ ابْنِ لِي عِنْدَكَ بَيْتاً فِي الْجَنَّه


mergab-gold21@hotmail.com