.
.
من قديمٍ لايزال يرفُل في شيءٍ من قلب:
[poem=font="Simplified Arabic,6,green,normal,normal" bkcolor="transparent" bkimage="backgrounds/15.gif" border="outset,6,gray" type=2 line=0 align=center use=ex num="0,black""]
للشعر في فكري جبال ومواكير=ارقى بها لاضاق صدري وهوجَست
واختار لي منها لحون وتعابير=في شامخٍ حوله! للامزان لامَست
ومن قمّته جبت الحرار المشاهير=اللي من اجل اوصافها! للخطر دِست
اوصافها تعجب لذوق المناعير=وإليا سمعت الراي منهم! تنومَست
ولولا الثقه في النفس!..بعض المشاوير!=تقصر عن الهقوات..ياللي تحمَّست
ادخل على الله من صدوف المقادير=ربٍّ ليا من لذت بحماه مْاافلَست
وعندي لبدع القاف! حجّه وتبرير=بْاسبابها! فكّرت؛وإخترت؛واسّست
سلام ياصبح الزمن..يامسا الخير=من راس ظلع اِطويق..لاقمّة إفْرِست
تاصلْك وانت إبعييييد..في ديرةٍ غير=(لندن) ويحسدها عليك المِدِل إست
(ياشعب لندن..ياحكومة تونيْ بلير)=يالعالم اللي للحضارات مارَست
مع ضيفكم قومو بخدمه وتقدير=وقولو له إني من غيابه تعومَست
وتراه حافظ للقيم والمعايير=ماهوب لايسهر..ولايقرب البست
غاااايب..وفي فكري ضيوفٍ مسايير=ذكراك؛طيفك؛..منك للحلم خامَست
يمرّ ليلي بين طاري وتفكير=مُجرّد إسمك بَس..لاحَلّ! هلوَست
البعد فعلاً له على القلب تأثير=بين الظلوع العوج عانيت واونَست
متى تجي؟!..لاجيت! عانقت للطير=وعلى قفى يمناي يافاتني بِست
وياللي تعذّر..ليه بس المعاذير؟=خذ راحتَك فيما وزنته وماقِست
ومالايصير!..إحكم عليه انت ويصير=فَصّل وانا من ماتفصّل تلَبَّست
ويامَن لك (المرقاب) عين ونواظير=انا تراني من خلاله تنفَّست
تسأل وتطلبني جواب وتفاسير=ياسيّدي..شرّفت؛وانوَرت؛وآنَست
للّه درّ التقنيه حول...تطوير=الإتصال العنكبوتي... وانا لَست
ضدّ إنتشار العولَمَه والتدابير=اللي تقرّب عالم الشرق للوِست
والصيف واللْه يذكر الصيف بالخير= يمكن اجيك اِهناك في آخر (اوَقِست)
وإختامها..لجلك تطول المشاوير=من قمّة المرقاب..لاقمّة إفْرِست
[/poem]
.
.
|