يا صاحبي خذها من الروح للـروح
قبل الوداع اللي مـا بعـده تلاقـي
لو أنّ ما في الناس حاسد ومشفوح
ما شفـت فيهـم نابذيـن النفاقـي
ولو كلّ من يلبس لك البشت طحطوح
ما طحطحوا بالخلق حمر الطواقـي
أحفظ لسانك عن لغى كـل سلتـوح
الغافـلات أوزارهـن مـا تطاقـي
الكلمه الحلوه من لسـان مملـوح
يجي لها وسـط المسامـع مذاقـي
لا يعتريك الكبـر والـزوم وتـروح
تضحك لا شفت المبتلـى والمعاقـي
تحـمّـد الله للمقـاديـر قــادوح
و صوابها لـو ينتثـر مـا يحاقـي
والشعر ما يرفعك في راس ناطـوح
لا صارت أخلاقك قصـار المراقـي
كم شاعر ٍ بالسرد والمـرد ذابـوح
وأدنى ما تلّـه بالسلـوك الدقاقـي
لا حافظ ٍ دينـه ولا بانـي صـروح
لو يبدع من الطاق تسعيـن طاقـي
إليا زعل يغلي من الضيـق ويفـوح
وإليا رضا يشـرب حليـب النياقـي
أما تجي ممدوح وتـروح ممـدوح
وإلاّ بلاش أرتاح يا عظـم ساقـي !
لــــــ سداح
|