قبل ان ابداء في كتابة القصيده هنا احب ان اشكر اخواني في الكويت على كرم ضيافتهم وحسن استقبالهم

واخص بالشكر كلا من
الشاعر عياد الشمري
الشاعر شبيب غزاي المطيري
الشاعر مطلق ابو ظهير
الشاعر اسامه النايف
الشاعر النازف
الشاعر فارس الضيدان
الشاعر خلف الخالدي
الشاعر عيد الدويخ المطيري
والعذر ممن تجاوزتهم نسيانا

وهذه قصيده مسنده للشاعر شبيب بن غزاي المطيري




من دار اخو مريم عطيب المضاريب
.............. ناديت وينك ياشبيب بن غزاي


يا الشاعر اللي ماضيٍ لك تجاريب
..............باكشف لك الخافي واسوق لك معناي



والى سمعت الصوت ملزومٍ تجيب
............. رد الصدى من قبل تبعد بي خطاي


يابو فهد من دون ما ارسل مناديب
............... رايك يكفيني وانا باقبل الراي



يابوفهد ما كل مجروحٍ يطيب
............. وانا عرفت الدا وضيعته دواي



الصيف ما يحرق بحر اللواهيب
...............الصيف يحرق لاحصل فيه الاقفاي



الصاحب اللي فاق زين الرعابيب
.............. هو سلوتي هو رغبتي واخر مناي



ما كنت احسب انه عن العين بيغيب
............. اقفى وانا جيتك من ادناي لاقصاي



انقطعت اخباره ولاجت مكاتيب
............. وانا اعرف ان الزين ماهوب نساي



حيثه من ربوعٍ تعرف المواجيب
............. وياكم زعلت وجا يدور لي رضاي




ومن يوم غاب اقنب كما يقنب الذيب
............. اسمع ربابه ثم اعوّد على الناي



واليوم طال الصبر يا راعي الطيب
............. واخاف لاتشمت على حالي عداي


والضيف يتبع ما تقول المعازيب
............. ولا تقول المسأله حلها ( فاي )



عطني جوابك ياعطيب المضاريب
............ رايك طلبته يا شبيب بن غزاي