أحبتي في منتدى المرقاب /
أولاً : السلام عليكم جميعاً ورحمة الله وبركاته .
ثانياً : التمس منكم العذر لهذا الإنقطاع الغياب الخارج عن إرادتي وأعدكم بالتواصل معكم بكل ماهو جديد
وأصافحكم بهذه القصيدة التي هي من آخر ماكتبت وآمل أن تنال رضاكم وإستحسانكم :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الغلا اللي له معاليق الخفوق حيامي=كل عرق من العروق اليا ضما يروى به
مابقالي من غرامه غير جرح(ن) دامي=لاعبس وجه الزمان آموت به واحيابه
كل ما سجّ الفكر في عالم الاحلامي=واستراح البال هاجوس الخيال ادوى به
تاخذه ذكرى غلاه لسالف الايامي=والخفوق يسوقه الشوق لحنين احبابه
وان هما زود الغلا هبّت به الانسامي=وانتشا قلب العنا والشوق شرّع بابه
زادت الفرقا لغلا والشوق جمره حامي=والحنين لفرحة اللقيا يحثّ ركابه
اتيمّم وجهة دروبه واسوق اقلامي،وين ماوجّهت بالحرف أعتلي مرقابه
كود ينسيني شقاي ولوعتي والآمي=هاجس الجرح العتيق اللي تفوح اطيابه
كل عرق(ن) من عروقي للمواصل ظامي=وكل جرح(ن) فزّ مع نبض الغلا لاغنى به
مابقابي شي حي بشوفته ماهامي=غير نسيانه وكسرة خاطري وعتابه
ماقدر أنسى أغلا همومي وأصدق الاوهامي=لوقضيت العمر اقاسي لوعتي باسبابه
كيف ابنسى حب من قدره بقلبي سامي ؟=لاسرى فكري بطيفه زارني بغيابه!
بس قومي ياهجوسي وان بغيتي نامي!!=لوغرس وقتي بقلبي دون وصله نابه
والله ليبقى غلاه بخافقي مترامي=لني اليا جيت ابنسى كل طاري جابه !![/poem]
عوض القوانه