قصــيده موجــهه ..الى الأخ الشاعر الرائع / فـراج الكــرشــمــي..
:


:



:


:


:


:

:




[poet font="Simplified Arabic,4,indigo,bold,normal" bkcolor="transparent" bkimage="backgrounds/11.gif" border="none,4,gray" type=0 line=200% align=right use=ex length=0 char="" num="0,black" filter=""]

(انا البارحـه ماامرحت والمسلمين رقـود)=
اداري همومي والطواريق سهرانه!

واخايل بروق المزنه اللي طوتها النود=
على متن ضلع ٍ حدره الارض ظميــانه

يهف الخيال وينطفي والليالي سـود=
وانا اوســّــع الخاطر والاوضاع خربانه!

سلامي سلام ٍ ريحته مثل ريح العود=
على العاقل اللي لاهرج هرجته زانــه

ولد شايب ٍ معروف عنه الوفا والجـــود=
عسى الموت مايعرف طريقه وعنوانـه

يافراج انا بـــ اقول شي ٍ بدون قيـود=
بقوله لو اعصابي لها اسبوع تلفانـه

وجودي يابونايف على الغايـب المـوجود=
وجود اليتيم اللي توّلوه جــيــرانــه!

احبه وابا قربه وهو حاضر ٍ مفقــود=
وانا مستعد اصبر واجامل علــــشـــانه!

لكنّ الزمــن وقــّـف على دربــه المســـدود=
على غفلة ٍ منـي وحــاولــت نســـيــانــه

بعد ماكسبت الجرح والذكريـات شـــهــود=
تذكرتك هـجـرانه ومنـدوب هــجــرانــه

تحيّرت حيره قد سبـقها تعب وجــهــود=
لو انـْهــا تجي مع غيــري ازداد فـجنانــه

هذا اللي خطفته والهواجس بدون حدود=
اخطفه تـِـخــطــاّف الشْبك ريـش شـيهـانـه

من البال وافـكـار ٍ تداحـم علـيْ وتزود=
تداحم ( فـصـيـل ٍ ) صارفين الـْه الاعِـانــه !

وسلامتك واللي جــاد جـوده من الماجــود=
قصيد ٍ قبل ماارتـاح قصيّـت شــرطانه
[/poet]

وســــلامـــتـــكــم


مشـعل بـن محـيـّا