السلام عليكمـ و رحمة الله و بركاتهـ

مواهبية للتوثيق

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ذكرك الله بخير يا زمان العشق .. و العشاق = زمان نرسم الأحلام فيه .. و لا نحققها
نخاف إنا نحققها .. و نكشف خافي الأوراق = و يجينا سارق الأحلام في غفلة .. و يسرقها
على الأطلال جيت .. أعيد ذكرى الحب و الأشواق = و تسبقني دموعي .. بالأسى قدام لا أسبقها
جلست أسامر الذكرى .. من الأعماق للأعماق = و أحل وثاقها اللي له ثلاث سنين .. موثقها
تعاتبني على طول الغياب .. بنبرة المشتاق = و أعاتبها على كثر الجروح .. بنفس منطقها
تعبت أنقل جروحي وسط روح ترجي الترياق = و تعبت أناجي آمال تواعدني .. و أصدقها
و تعبت أجامل الأذواق .. باللي تفرضه الأذواق = و تعبت أطلب رفات الفرحه من يدين .. محرقها
عشقت بكل ما أوتيت من حب .. و وفا .. و أخلاق = و كتبت القصه اللي يسلب الألباب منطقها
عشقت اللي عليها باب قلبي .. محكم الإغلاق = هنوف كن ربي من شعاع الشمس .. خالقها
هنوف تستحي منها القصايد عذبة الأعراق = و تخجل نسمة الغربي .. ليا قامت تعانقها
محبتها بقلبي راسخه .. على القدم و الساق = و بأصدق ما نبع من جملة إحساسي مطوقها
يناديني نداء الحب .. و أردد معه .. و أنساق = و أشوف طيوفها تجذبني بلهفة .. و ألاحقها
كتبت لها من أوراق القصيد العاطفي .. ما لاق = طروق ما ذكرت أن فيه غيري .. من تطرقها
غشيم و لا دريت إن خاتمة فصل الغرام ( فراق ) = إلين أهدتني أوراق القصيد .. و قالت : ( أحرقها )

[/poem]