السلام عليكم ورحمة الله وبركاته،،،،


هذه القصيدة للشاعر فراج بن محمود الصاعدي الحربي.




[poem=font="Simplified Arabic,5,seagreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ردوا علـى ورقـان منـي سلامـا =ياللي علـى دار الصواعـد تمـرون
غبنـا ولكـن مـا علينـا مـلامـا=وغيابنا فـي شـي للعبـد مسنـون
هذي صفة من كـان عنـده دوامـا=يصبر كما يصبرعلى السجن مسجون
لا جا النسيـم وهـل وبـل الغمامـا=وشفنا سحاب المزن يمشي على الهون
أذكـر ديـار مشيـديـن الخيـامـا=اللي بصوت النجـر للكيـف يلفـون
والمزن في ورقـان مثـل الحزامـا=طوق على القمة وغيمة على الكـون
والضيمـران يفـوح ثـم البشـامـا=خضبه شفا للكبد مـن كـل طاعـون
والأرض خضرا بالنفـل والخزامـا=وبعيثران اخضر وعرعـر وليمـون
والعتـم والجميـز لـه كـم عـامـا=شجراً ظليل ويرغبه كـل محـزون
والاسـم الأصلـي بالوفـا والتمامـا=جميز شجر التيـن والعتـم زيتـون
واللي بـ ظل الضرو في الظهـر نامـا=أخير من نومة تحت صوت فريـون
ومن شجرة الطبـاق طـب العظامـا=طب من الطباق له ريـش مدهـون
وايضا الخزم له وسط قلبـي غرامـا=شجر معمر ياخـذ سنيـن وقـرون
حد السعـف يشبـه لحـد الحسامـا=ظله ظليل ولا به أشـواك وغصـون
والعرن منه الصبغ فـي كـل خامـا=ريحة شذاه علاج من كـان مفتـون
وشجر الخشاش النايحـات الحمامـا=وعصـي شيـابٍ عليهـا يعكـزون
والشث والمتنـا عروقـه علـى مـا=يزها الجبال اللي كمـا در مصيـون
والبان ناعـم مثل ريـش النعامـا=وأهل المشاعـر فيـه قبلـي يغنـون
ايضا النخـل غابـات يامـا ويامـا=ناسٍ فقارا فـي جـداده يحضـرون
يدعـون لـه بالخيـر كـل اليتامـا=اللي بـ وقت الصيف يأتون يجنـون
غرس الكريـم وكـل عقبـه كرامـا=في الجود قالوا مثل حاتـم يجـودون
يعطون مـن شجـرة لذيـذ الطعامـا=في وقت ما كـل المخاليـق يعطـون
حتى اليثب وإن جت غصونـه توامـا=يشتاق له قلـب مـن الهـم مغبـون
شجـر الحمـاط مجـاوره بانتظامـا=على غصونه غرد الطيـر بالحـون
حتى الشلايـل لـو شجرهـا يسامـا=مـا باعهـا فـراج بثنيـن مليـون
وريـمٍ بجانبهـا سـواة الوسـامـا=من هجرة المختار والهرج مضمـون
ورقان من عهـد العصـور القدامـا=فيه الحديـث اللـي رواتـه يعـدون
أصبح خياله وسط قلبـي لزامـا=دايم ملازمنـي مثـل نقطـة النـون
وإن لاح برق المزن وسط الظلامـا=أهل القرى من حي لا حـي يمشـون
على رفيف البرق مشي النشاما=اللـي لعسـرات القضايـا يحـلـون
حب الوطن في القلـب مثـل اللحامـا=منساه لين أصير بـالأرض مدفـون
قلبـي ليامـا غبـت زاد الحطـامـا=ماانسى الوطن لو جيب لي مال قارون
هذا الصحيح اللي نتـج مـن كلامـا=كلام من حاله مـن العبـد مرهـون
يالله طلبتـك يــا فـيـع المقـامـا=يا مرسل لفرعون موسـى وهـارون
تفرج لمنـه وسـط الأوطـان هامـا=صابر وكاظم غيـظ القلـب مكنـون
وصلوا على المختـار هـذا الختامـا=اللـي بذكـره كـل الأمـة يصلـون
[/poem]