السلام عليكم ورحمة الله وبركاته

هذه قصيده جديده عساها تنال رضا المتابعين


:



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الضلاله والجهاله والفسق قومٍ تشابه=كل ما مرّوا عليّه قومها جابوا حفيلي
كل ماقالوا سوالٍ لي فرض رد الإجابه=ياعسى ربي يقدّرني على ردٍ جميلي
استمع في الرد ياراع السوال اللي حكا به=العمار الباقيه والخلق جيلٍ بعد جيلي
طول عمري لين شاب الراس أعمّر لي خرابه=ما أستوت للنّاس قدامي وعيت تستويلي
كل عام يزيد تعميري وينقص من حسابه=شبت وأخطب لي عجوزٍ شايبه وآبت تجيلي
كم عودٍ منحنٍ ظهره كما قوس الربابه=مغرمٍ مثلي ليا راحت يقول لها اقربي لي
ولّعتنا بالجمال وشوّقتنا فالخطابه=يوم كلٍ قام أنا مع حيدهم وأرفع شليلي
إن حصل لي شئ زين ولن عصت مابه غرابه=كم عصت من عالمٍ قبلي تقافوا بالرحيلي
أبذل الأسباب والباقي على ربي حسابه=ماكتب لي جاء و مايكتب لغيري مايجيلي
مالي ألاّ ماكتب رب البرايا في كتابه=لو قالوا قلت عندي من كلام الله دليلي
كل ماصليت قلت اللي يقولون الصحابه=ناصبٍ وجهي على القبله وأقول أخلوا سبيلي
اترجّا الواحد اللي ترجي العالم ثوابه=ما أتدرّق في ذليل ولا أترجّا لي بخيلي
وأطلبه بين الرجاء والخوف ياقاني عذابه=يوم لا عندي حميم ولارفيقٍ يدّعي لي
والوصيّه للرجال اللي بهم عزم وصلابه=الخشونه طبع في روس الرجال وكل أصيلي
والتمدّن والنعومه والليانه والخيابه=الخصال الفاسده ماتوجد ألاّ في الهزيلي
من بغى درب العلوم الغانمه مابه طلابه=والحصان حصان لو طال المدى جاله صهيلي
يعرف الرجّال لا من الدهر كشّر بنابه=وإن كشر ناب الدهر راح البخيل مع الذليلي
لو حاشوا مال مايسوى جناحين الذبابه=ما يخلّص دون ديّانه ليا جاه العميلي
أقرب لي وأبرقي لي وأمطري لي ياساحابه=مثل ما امطرتي على غيري تعالي وامطريلي
سيلي لي نجد أبا أبدي في العوالي من هضابه=ينشرح صدري ليا وايقت في راس الطويلي
[/poem]

شعر : هادي بن شنيف
الأربعاء 1 رجب 1430 هـ

..