حسين عزام

مجارة كيبورديه ..!!


[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ياصاحبي بعض السوالف ما تجر الا اللئيم = اسلوبها فالمبتدى ( من قالها ) ( من قالها )
اسكت و اجامل كل وجه .. وداخلي جرحٍ مقيم = واصبر واقول ان المواقف تنعرف برجالها
ياصاحبي ماكل طيّب ينعرف رجلٍ حليم = والكايده ياصاحبي تبغى خبر حلالها
نسكت ولكن مانحب من الخطا شيٍ هشيم = نشره ولكن ما نكبر هرجه وموالها
نبعد عن هروج القفا ونرقا عن هروج الغشيم = وبعض النوايا ياعرب فال الله ولا فالها
لكن في بعض العلوم اشوف دمعات اليتيم = تشكي من الدنيا وعينه مرخيّه همالها
وياهاجسي قرب مادامك بين زمزم والحطيم = الكلمه اللي في ضميري عارفٍ مدهالها
الوقت ابشع من علوم الناس والله العظيم = اني اشوف اشباه عالم ما اعرف وش حالها
احترت واضناني التعب والسهم وقّع فالصميم = ودريت ان بعض العلوم إلها ضمير(ن)عالها
عرفت حاجه في حياتي .. والزمن رجلٍ حكيم = ولقيت معناها وفى ..وفي داخلي منزالها
ماكل كلمه تنحسب لو إنها كلمة زعيم = بعض السوالف حلها يبقى مثل ترحالها
ياصاحبي بالله وقف لا تزيد الضيم .. ضيم = مادام كل السالفه ..( من قالها ) ( من قالها ) [/poem]

،
،
،