المشاركة الأصلية كتبت بواسطة عبدالله بن علي
قولي لمنهو ياخذتس لجـى مجـال =
الواجب انـه يشكـر الله ويحمـده
الله الله
يفوحلتس قلبي كمـا فـوح الـدلال =
واشتاقلتس شـوق المهاجـر لبلـده
الله الله
افرح ليا جا من طرفكـم اتصـال =
فرحت غشيمن جـا يبشـر فولـده
الله الله
خصايلتس ماهي مثل باق الخصـال =
فـرايـدن بلحالـهـا مـتـفـرده
عيون ظبين جافل وعاتـق غـزال =
وعلى قلوب اهـل الهـوا متمـرده
دلوعه . ومتربيه . وسمحـة قبـال =
وراقيـه بالفكـر مانتـي معـقـده
ومعربـه جديـن عمـان وخـوال =
انشهدنتـس بنـت عـود مــردده
مالتس على درب الخنا ولا الخمال =
لاعودتس اهلتس ولانتـي معـوده
اليا عتزيتي فـي طشيـت العقـال =
لا رحم ابو رجال ينكـث بوعـده
ابتس انتي اكبر مكسب بعين الرجال =
ياسعد ابو من حط يدتس فـي يـده
الله الله
والله يافهـــد
صح لساااانكـ
إبدااااع
لافض فوووكـ
دمت بها التألق
***************
الاخ عبد الله بن علي
لاهنت على المرور وصح الله بدنك
وزدت القصيده شرف فالطراء الجميل