[poem= font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انساق يمك كل ماحل طاريك=واصد عنك ليا تمعنت حالك
والوم قلبي ليه بالفعل يغليك=مدام خبره بس ..ماضي جمالك
سمعت لي هرجه تخصك وتعنيك=وركزت معها يوم جابو مجالك
قالو جمالك راح مع درب ماضيك=وباقي شبابك راح والوجه حالك
والعود يابس والزمان متوطيك=وجدار زينك من رداه متهالك
والخير مقفي والسعد مايباريك= والشر مقبل والمصايب خلالك
والناس غيري كلها ماتدانيك=ياشين توصيفك وياشين فالك
لا صار عزك راح والضيم ناصيك=مع منّ لو دورت تلقى دلالك
اليوم ماينفعك عندي تغليك=اكره جنوبك وابتعد عن شمالك
واصد عن دربٍ عليّه يوديك=مالك قبول ان جيت وان رحت مالك
هذا منول يوم انا كنت اناديك= وتمد هجرانك وتمنع وصالك
ماعاد لي رغبه ولا حاجةٍ فيك=اشرب فناجيل الشقا من دلالك[/poem]
|