بسم الله ,,

00000

000

0

[poem=font="Simplified Arabic,6,black,bold,normal" bkcolor="transparent" bkimage="" border="double,3,gray" type=2 line=1 align=center use=ex num="0,black""]
جَمّعْت بَعْد الشّتات اوراق منثوره = واحْيَيْت في داخلي مايشْبه الثّوره
ودّي احقّق لِنَفْسي شي تَطْمَح له = واعْمر ديارٍ قَبلْ ماهيب معموره
وازْرَع بساتين شعري بارضي الخصبه = واجْني ثِمَر مازَرَعْته واقْطف زْهوره
واسابق الوقت قبل الوقت يسبقني = وانافس اسماء معروفه ومشهوره
واقول انا اللي تحدّى حظّه المايل = وخَلاّه يمشي ولو رجليه مكسوره
وودّي وودّي لَكِنْ مِنْ دون رغباتي = أحِس بالضيق والأنفاس مقهوره
من واقعٍ كل ماقَلّبْت صفحاته = ألقا خبر غربتي في داخلِ سْطوره
غربة زمن كيف لاحْساسي يواطنها = وجذورها من حدود الأرض مبتوره
وفيها تناقض غريب وشرّها زايد = والحق فيها طِفى عُقْب الضيا نوره
والشجره اللي يِظَلِّلْ ظِلْها ماتت = والغصْن يَشْكي بحرْقَه هِجْرَةِ طْيوره
واللقمه اللي تِسدّ الجوع والحاجه = صارت على البعض عقب الكل محصوره
والناس تربط علاقتها مصالحها = والطّيِّبَه عند باب النذل منحوره
وامسيت محتار في ودّي ولاودّي = وانا اصْدَقِ انسان عاشِ بْصادقِ شْعوره
ولاوِدِّي افرِضْ على العالم قناعاتي = لو كان بعض العرب فالأصل والصوره
نافورةٍ لو يغرِّك زَيْن منظرها = فالأصل تبقا بعين الناس نافوره
تِعْطي ولكن عطاها مايفارقها = يَرْجَع عليها وِلِه في جوفها دَوْره
واليا وِقَف في طَرَفْها واحدٍ ضامي = والله ليبْطي ضما مابَلّ حنجوره
لكن على الله وربّ الخلق يفرجها = واجْني ثِمَر مازَرَعْته واقْطف زْهوره

[/poem]

(( محمد بن دخيل القثامي ))
mda9595@hotmail.com